مغربی فوجی دستے یوکرین میں تعینات ہوئے تو ہدف ہوں گے،پیوٹن کی دھمکی

ماسکو: روس کے صدر ولادی میر پیوٹن نے   دھمکی دی ہے کہ اگر مغربی فوجی دستے  یوکرین میں تعینات ہوئے تو ہدف ہوں گے۔

روسی صدر ولادی میر  پیوٹن نےایسٹرن اکنامک فورم سے خطاب میں کہا ہے کہ مغربی فوجی دستے یوکرین میں تعینات ہوئے تو وہ روسی حملوں کا قانونی ہدف ہوں گے۔ امن معاہدہ ہونے کی صورت میں یوکرین میں مغربی فوجی دستوں کی تعیناتی کا کوئی جواز نہیں، اگر غیر ملکی فوجی دستے یوکرین میں تعینات ہوئے تو وہ روسی حملوں کا قانونی ہدف ہوں گے۔

پیوٹن کا مزید کہنا تھا  کہ روس یوکرین سے متعلق معاہدوں کی پاسداری کرے گا اور مذاکرات کے لیے بھی تیار ہے لیکن  یہ مذاکرات بے معنی نظر آتے ہیں۔ یوکرین سے بات چیت کے لیے بہترین جگہ ماسکو ہے، یوکرین کی قیادت ماسکو آئے ہم انہیں سیکیورٹی دیں گے۔