پاکستان اور جنوبی افریقا سیریز کے وینیوز فائنل

لاہور: پاکستان اور جنوبی افریقا کے درمیان کرکٹ سیریز کے وینیوز کو حتمی شکل دے دی گئی۔ ذرائع کے مطابق میچز لاہور، راولپنڈی اور فیصل آباد میں کھیلے جائیں گے، جبکہ کرکٹ جنوبی افریقا کی ریکی ٹیم ان وینیوز کا معائنہ کر چکی ہے۔

اطلاعات کے مطابق فیصل آباد میں وائٹ بال میچز ہوں گے، یوں فیصل آباد 2008 کے بعد ایک بار پھر انٹرنیشنل کرکٹ کی میزبانی کرے گا۔ ٹیسٹ میچز لاہور اور راولپنڈی میں ہوں گے، پہلا ٹیسٹ 12 اکتوبر سے لاہور میں شروع ہوگا۔

سیریز کے مکمل شیڈول کا باضابطہ اعلان جلد کیا جائے گا۔