علیمہ خان پر انڈا پھینکنے کی مذمت، کیپٹن (ر) صفدر کا بیان

 

کیپٹن (ر) صفدر نے اڈیالہ جیل کے باہر علیمہ خان پر انڈا پھینکنے کے واقعے کی مذمت کی ہے۔

انہوں نے کہا کہ جس طرح کی کڑی قید مریم نواز نے برداشت کی، وہ بانی پی ٹی آئی 15 دن بھی نہیں کاٹ سکتے۔ ان کا مزید کہنا تھا کہ بانی پی ٹی آئی کو جیل میں تمام سہولیات فراہم ہیں۔

یاد رہے کہ علیمہ خان کو جیل کے باہر دو لڑکیوں نے انڈا مارا تھا، جنہیں پولیس نے موقع پر ہی گرفتار کر لیا۔ پاکستان تحریک انصاف نے ملزمان کے خلاف کارروائی کے لیے تھانہ صدر بیرونی میں درخواست جمع کرا دی ہے۔