کراچی کے مختلف علاقوں میں موسلا دھاربارش

کراچی :گلشن حدید، سپر ہائی وے، نوری آباد، ملیر اور دیگر علاقوں ٹھٹھہ، میرپورخاص، نوری آباد، گھگھر پھاٹک اور کراچی کے مضافاتی علاقوں میں موسلا دھار بارش کا سلسلہ جاری ہے۔

کراچی میں آج شام سے 11 ستمبر تک وقفے وقفے سے تیز ہواؤں اور گرج چمک کے ساتھ درمیانی و موسلادھار بارشوں کا امکان ظاہر کیا گیا ہے۔

مون سون کے دسویں اسپیل نے کراچی سمیت سندھ کے مختلف اضلاع کو اپنی لپیٹ میں لے لیا ہے۔ ملیر، شاہ لطیف، نارتھ کراچی اور بحریہ ٹاؤن میں طوفانی بارش کا سلسلہ جاری ہے جبکہ شہر بھر میں کالی گھٹائیں چھا گئیں۔

ٹھٹھہ، میرپورخاص، عمرکوٹ، تھرپارکر اور ٹنڈو محمد خان سمیت دیگر اضلاع میں بھی برسات کا سلسلہ جاری ہے۔ عمرکوٹ میں نورواہ نہر میں دس فٹ چوڑا شگاف پڑ گیا جس سے قریبی دیہات کو خطرہ لاحق ہوگیا۔

محکمہ موسمیات کے مطابق سسٹم کے زیر اثر سندھ میں مون سون ہوائیں داخل ہوگئیں ہیں۔ کراچی میں آج شام سے 11 ستمبر تک گرج چمک کے ساتھ بارش کا امکان ہے۔

محکمہ موسمیات کا کہنا ہے کہ بارش برسانے والا سسٹم بھارت کے جنوب مغربی راجستھان پر موجود ہے، سسٹم کے زیر اثر سندھ میں مون سون ہوائیں داخل ہو رہی ہیں۔

مون سون کے دسویں اسپیل کے تحت سندھ کے مختلف اضلاع میں بارشیں شروع ہو گئی ہیں۔ ٹھٹھہ، میرپورخاص اد اور گھگھر پھاٹک میں موسلا دھار بارش ہوئی کا سلسلہ جاری ہے جبکہ کراچی کے مضافاتی علاقوں میں بھی بادل برس پڑے۔

7 تا10 ستمبر تک جنوب مشرقی سندھ کے بعض مقامات پر انتہائی شدید بارشوں کا امکان،جسکے باعث نچلے ساحلی اضلاع میں شہری سیلاب کا خدشہ ہے۔بارشوں کیوجہ سے کیرتھر رینجز، بلوچستان میں لسبیلہ اور خضدار کے ندی نالوں میں طغیانی متوقع ہے۔کوہ سیلمان اور جنوبی پنجاب میں چند مقامات پر بارشیں pic.twitter.com/g6LqejcxEl

— NDMA PAKISTAN (@ndmapk) September 7, 2025

میرپورخاص شہر کے مختلف علاقوں میں بارش سے جل تھل ایک ہوگیا ہے۔ بارش کے باعث گنا، کپاس، مرچ اور ٹماٹر کی فصلیں متاثر ہوئی ہیں۔

ادھر عمرکوٹ، تھرپارکر اور ٹنڈو محمد خان سمیت سندھ کے دیگر اضلاع میں بھی بارش ہوئی ہے۔ ٹھٹھہ اور سجاول میں بارش کے باعث نشیبی علاقے زیر آب آگئے جبکہ گجو کے نشیبی علاقے بھی متاثر ہوئے ہیں۔ میرپورخاص میں بھی وقفے وقفے سے بارش کا سلسلہ جاری ہے۔

محکمہ موسمیات کے مطابق تھرپارکر، عمرکوٹ، میرپورخاص اور خیرپور میں تیز ہواؤں کے ساتھ بارش متوقع ہے جبکہ کشمور، سکھر اور جیکب آباد میں بھی بارش کا امکان موجود ہے۔

علاوہ ازیں کراچی، ٹھٹھہ، بدین اور حیدرآباد کے نشیبی علاقوں میں پانی جمع ہو سکتا ہے، جبکہ میرپورخاص، تھرپارکر، خیرپور اور سکھر میں اربن فلڈنگ کا خدشہ ہے۔

منگل کو کراچی میں تیز ہواؤں کے ساتھ موسلادھار اور شدید موسلادھار بارشیں ہونے کی توقع ہے، جس کی وجہ سے کراچی میں اربن فلڈنگ کی صورتحال پیدا ہو سکتی ہے۔

موسلا دھار بارش، آندھی اور بجلی گرنے سے روزمرہ کے معمولات متاثر ہو سکتے ہیں جبکہ میرپورخاص، شہید بے نظیر آباد، تھرپارکر، خیرپور، سکھر، لاڑکانہ، ٹھٹھہ، بدین، سجاول، حیدر آباد اور کراچی میں شہری سیلاب اور نشیبی علاقوں میں پانی جمع ہو سکتا ہے۔

محکمے کے مطابق بارشوں کے باعث کیرتھر رینجز، بلوچستان کے لسبیلہ اور خضدار کے ندی نالوں میں طغیانی آسکتی ہے، جبکہ کوہِ سلیمان اور جنوبی پنجاب کے بعض علاقوں میں بھی بارشوں کی پیش گوئی کی گئی ہے۔