ایرانی سپریم لیڈر کا اسرائیل سے تعلقات ختم کرنے کا مطالبہ

ایران کے رہبرِ اعلیٰ سید علی خامنہ ای نے کہا ہے کہ مسلم ممالک کو اسرائیل سے ہر قسم کے تعلقات ختم کرنا ہوں گے۔

ایرانی میڈیا کے مطابق سید علی خامنہ ای نے صدر اور کابینہ سے ملاقات میں کہا کہ اسرائیلی ریاست سنگین جرائم میں ملوث ہے اور دنیا کے سامنے اس کا حقیقی چہرہ بے نقاب ہو رہا ہے۔

انہوں نے زور دیا کہ جو مسلم ممالک اسرائیل کے خلاف احتجاج کر رہے ہیں، انہیں محض بیانات سے آگے بڑھ کر عملی طور پر تعلقات کا خاتمہ کرنا چاہیے۔

سید علی خامنہ ای نے مزید کہا کہ اس وقت دنیا بھر میں اسرائیل کے خلاف نفرت بڑھ رہی ہے اور وہ سفارتی طور پر تنہائی کا شکار ہوتا جا رہا ہے۔