اسرائیلی حملے میں حماس قیادت محفوظ، خلیل الحیہ کا بیٹا اور معاون شہید

دوحہ: اسرائیلی حملے کے بعد حماس کے سیاسی بیورو کے رکن سہیل الہندی نے تصدیق کی ہے کہ نشانہ بنائے جانے والے گروپ کی قیادت محفوظ ہے۔

الہندی نے الجزیرہ سے گفتگو میں بار بار کہا کہ حماس کے رہنما خیریت سے ہیں۔ ان کے مطابق خلیل الحیہ حملے میں محفوظ رہے تاہم ان کا بیٹا ہمام اور ایک قریبی معاون جاں بحق ہوگئے۔ مزید یہ کہ تین محافظوں سے رابطہ منقطع ہو گیا ہے۔

سہیل الہندی کا کہنا تھا کہ دوحہ میں ہونے والا حملہ صرف حماس یا قطر پر نہیں بلکہ تمام عربوں، مسلمانوں اور دنیا کے آزاد لوگوں پر جارحیت ہے۔

انہوں نے کہا: "آزاد دنیا کو اس گھناؤنے جرم کو مسترد کرنا ہوگا، یہ ان رہنماؤں کو قتل کرنے کی کوشش تھی جو غزہ پر جاری جنگ کے خاتمے پر بات کر رہے تھے۔