قطر پر حملے کے فیصلے کا ذمہ دار نیتن یاہو ہیں، ٹرمپ

امریکی صدر ڈونلڈ ٹرمپ نے کہا ہے کہ قطر پر حملے کا فیصلہ ان کا نہیں بلکہ اسرائیلی وزیراعظم نیتن یاہو کا تھا۔ ان کے مطابق قطر پر یکطرفہ بمباری نہ تو امریکا اور نہ ہی اسرائیل کے مفاد میں ہے۔

ٹرمپ کا کہنا تھا کہ انہوں نے سینیٹر مارکو روبیو کو قطر کے ساتھ دفاعی تعاون کے معاہدے کو حتمی شکل دینے کی ہدایت دی ہے۔ انہوں نے واضح کیا کہ قطر ایک خودمختار ریاست اور امریکا کا قریبی اتحادی ہے، جو خطے میں امن قائم کرنے کے لیے واشنگٹن کے ساتھ کھڑا ہے۔

مزید برآں، امریکی صدر نے الزام لگایا کہ حماس نے غزہ کے عوام کی مشکلات اور بدحالی سے فائدہ اٹھایا ہے۔