نیپال، مظاہروں کے دوران 13 ہزار قیدی جیلوں سے فرار

نیپال، مظاہروں کے دوران 13 ہزار قیدی جیلوں سے فرار

نیپال میں رواں ہفتے ہونے والے حکومت مخالف احتجاج کے دوران 13 ہزار 500 قیدی جیلوں سے فرار ہوگئے۔

 

نیپالی پولیس کے ترجمان بینود گھمائرے نے غیرملکی خبر رساں ادارے کو بتایا کہ مظاہروں کے دوران 3 پولیس اہلکار ہلاک ہوئے اور ملک بھر کی جیلوں سے 13 ہزار 500 قیدی فرار ہوگئے ۔

سوشل میڈیا پر گردش کرنے والی ویڈیوز میں دیکھا گیا کہ کٹھمنڈو کی دلی بازار جیل سے بڑی تعداد میں قیدی باہر نکل آئے جنہیں فوجی اہلکار قابو کرنے کی کوشش کر رہے تھے۔

 

غیرملکی خبررساں ادارے کے مطابق نیپالی پولیس زیادہ تر جیلوں سے پیچھے ہٹ گئی اور صرف پولیس ہیڈکوارٹر تک محدود ہے،

 

صورتحال پر قابو پانے کے لیے بدھ کو نیپالی فوج نے کٹھمنڈو کی سڑکوں پر گشت کیا اور لائوڈ سپیکروں کے ذریعے کرفیو کے احکامات کا اعلان کیا۔

 

نیپالی فوج کے سربراہ جنرل اشوک راج سگڈیل نے تمام مظاہرین سے اپیل کی ہے کہ وہ احتجاج ختم کریں اور مذاکرات کا راستہ اختیار کریں۔