ٹی ٹوئنٹی ایشیا کپ، پاکستان آج اپنا پہلا میچ عمان کیخلاف کھیلے گا

پاکستان کے حوصلے بلند ہیں خاص کر حالیہ سہ ملکی سیریز جیتنے کے بعد پاکستانی ٹیم پراعتماد دکھائی دیتی ہے۔

اس میچ سے قبل پاکستان کرکٹ ٹیم کے ہیڈ کوچ مائیک ہیسن نے دبئی کی پچ کا معائنہ کیا اور پریس کانفرنس میں اُسے بیٹرز کے لیے سازگار قرار دیا۔

ہیسن کا کہنا تھا کہ پاکستانی ٹیم میں ملٹی اسکلز کھلاڑی موجود ہیں۔

دوسری جانب عمان کی ٹیم کے کپتان جتیندر سنگھ نے پریس کانفرنس میں کہا کہ پاکستانی ٹیم کا عمان سے کوئی مقابلہ نہیں ہے مگر ٹی ٹوئنٹی فارمیٹ میں کچھ بھی ہو سکتا ہے۔

اُن کا یہ بھی کہنا تھا کہ ایشیا کپ میں بڑی ٹیموں کے خلاف کھیلنا عمان کے لیے ایک موقع ہے۔