سابق وزیراعظم نواز شریف لندن روانہ

لاہور: سابق وزیراعظم اور مسلم لیگ (ن) کے صدر میاں محمد نواز شریف غیر ملکی ایئرلائن کے ذریعے لاہور سے لندن روانہ ہو گئے۔

خاندانی ذرائع کے مطابق نواز شریف جاتی امرا رائیونڈ سے علامہ اقبال انٹرنیشنل ایئرپورٹ پہنچے، جہاں سے وہ قطر ایئرویز کی پرواز کے ذریعے لندن روانہ ہوئے۔ ان کا قیام تقریباً دو ہفتے جاری رہنے کا امکان ہے، اس دوران وہ اپنا معمول کا طبی معائنہ بھی کروائیں گے۔

روانگی سے قبل جاتی امرا میں تیاریوں کو حتمی شکل دی گئی۔ ذرائع کے مطابق نواز شریف نے روانگی سے کچھ روز قبل پنجاب انسٹی ٹیوٹ آف نیوروسائنسز میں بھی اپنا چیک اپ کروایا تھا، جس میں ان کی گردن کی ایم آر آئی کی گئی اور پٹھوں میں درد کی شکایت سامنے آئی تھی۔

واضح رہے کہ نواز شریف اس سے قبل رواں سال جون میں بھی لندن گئے تھے۔