جسٹس ظفر احمد راجپوت قائم مقام چیف جسٹس سندھ ہائیکورٹ مقرر

 

کراچی: جسٹس ظفر احمد راجپوت نے قائم مقام چیف جسٹس سندھ ہائیکورٹ کے عہدے کا حلف اٹھا لیا۔

سندھ ہائیکورٹ میں ہونے والی تقریبِ حلف برداری میں جسٹس اقبال کلہوڑو نے ان سے حلف لیا۔ اس موقع پر سندھ ہائیکورٹ کے دیگر ججز، صوبائی وزیر داخلہ ضیاء لنجار، بار ایسوسی ایشنز کے نمائندے اور سینئر وکلاء بھی شریک تھے۔

خیال رہے کہ سابق چیف جسٹس سندھ ہائیکورٹ جسٹس جنید غفار 13 ستمبر کو ریٹائر ہو گئے تھے۔