مون سون کا 11 واں سپیل آج سے شروع، شدید بارشوں کی پیشگوئی

 

اسلام آباد/لاہور: ماہرین موسمیات کے مطابق مون سون بارشوں کا 11 واں سپیل آج سے شروع ہو رہا ہے، جس کے باعث بڑے شہروں کے ندی نالوں میں طغیانی کا خدشہ بڑھ گیا ہے۔

پنجاب کے بیشتر اضلاع میں 19 ستمبر تک شدید بارشوں کا امکان ہے۔ لاہور، گوجرانوالہ، گجرات، سیالکوٹ، مری، اٹک، چکوال اور جہلم میں بادل برسیں گے۔

18 اور 19 ستمبر کے دوران راولپنڈی، مری اور گلیات کے ندی نالوں میں پانی کے بہاؤ میں اضافے کا امکان ہے، جس کے پیش نظر شہریوں کو محتاط رہنے کی ہدایت کی گئی ہے۔