ایبٹ آباد: جیپ کھائی میں گرنے سے خاتون سمیت 2 افراد جاں بحق

ایبٹ آباد: خیر اگلی کے قریب ایک جیپ کھائی میں گرنے سے خاتون سمیت 2 افراد جاں بحق جبکہ 4 افراد زخمی ہوگئے۔

مقامی افراد نے زخمیوں کو کھائی سے نکال کر فوری طور پر مری اسپتال منتقل کیا، جہاں دورانِ علاج ایک مرد اور خاتون دم توڑ گئے۔ اسپتال ذرائع کے مطابق باقی زخمیوں کی حالت بھی تشویشناک ہے۔

حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں۔ ریسکیو حکام کا کہنا ہے کہ حادثہ **بریک فیل ہونے** کے باعث پیش آیا۔