اسلام آباد ہائیکورٹ،جسٹس طارق جہانگیری کو کام سے روکنے کاحکمنامہ جاری

اسلام آباد ہائی کورٹ کے جسٹس طارق جہانگیری کو عارضی طور پر فرائض کی انجام دہی سے روکنے کا دو صفحات پر مشتمل تحریری حکم نامہ جاری کیا گیا ہے۔

یہ حکم نامہ چیف جسٹس اسلام آباد ہائیکورٹ جسٹس سرفراز ڈوگر اور جسٹس اعظم خان نے جاری کیا۔

تحریری فیصلے کے مطابق سپریم جوڈیشل کونسل میں زیر سماعت معاملے کے فیصلے تک جسٹس طارق جہانگیری جج کے طور پر کام نہیں کریں گے۔ عدالت نے کہا کہ یہ معاملہ حساس نوعیت کا ہے اور اس میں جج کی اہلیت سے متعلق سوال اٹھایا گیا ہے۔

مزید کہا گیا ہے کہ سپریم جوڈیشل کونسل میں جسٹس جہانگیری کے خلاف شکایت بھی زیر التوا ہے۔ عدالت نے اٹارنی جنرل اور ایڈووکیٹ جنرل اسلام آباد سے 21 اکتوبر کو معاونت طلب کی ہے، جبکہ ایک درخواست گزار کی جانب سے کیس میں فریق بننے کی استدعا بھی منظور کر لی گئی ہے۔