راولپنڈی بورڈ انٹرمیڈیٹ پارٹ 2 کے پوزیشن ہولڈرز کا اعلان

بورڈ آف انٹرمیڈیٹ اینڈ سیکنڈری ایجوکیشن (BISE) راولپنڈی نے انٹرمیڈیٹ پارٹ 2 کے امتحانات میں نمایاں پوزیشن حاصل کرنے والے طلباء و طالبات کے نام جاری کر دیے ہیں۔

پہلی پوزیشن پنجاب کالج فار ویمن تلہ گنگ کی طالبہ آریج شفقات حیات نے 1,148 نمبر لے کر حاصل کی۔ دوسری پوزیشن بھی اسی کالج کی طالبہ عائشہ مشتاق کے حصے میں آئی جنہوں نے 1,139 نمبر حاصل کیے۔ تیسری پوزیشن ایمان فاطمہ نے حاصل کی جو رائل کالج آف سائنسز فار گرلز چکوال کی طالبہ ہیں اور انہوں نے 1,138 نمبر حاصل کیے۔

بورڈ حکام نے کامیاب طلباء و طالبات کو مبارکباد پیش کرتے ہوئے کہا کہ یہ نتائج ان کی محنت اور لگن کا منہ بولتا ثبوت ہیں۔

مزید بتایا گیا ہے کہ 18 ستمبر 2025 کو فاتمہ جناح یونیورسٹی کے آڈیٹوریم میں ایک خصوصی تقریب منعقد ہوگی، جس میں نمایاں کارکردگی دکھانے والے طلباء کو انعامات سے نوازا جائے گا۔ اس تقریب میں بورڈ کے اعلیٰ حکام، اساتذہ، والدین اور دیگر معزز مہمان بھی شریک ہوں گے۔

ترجمان کے مطابق اس طرح کی تقریبات نہ صرف تعلیمی معیار کو بلند کرنے میں مددگار ہیں بلکہ یہ طلباء میں تعلیم کی اہمیت اجاگر کرنے اور ان کی حوصلہ افزائی کا ذریعہ بھی بنتی ہیں۔