ایشیا کپ میں بابر اعظم کیوں شامل نہیں؟مکی آرتھر حیران

 

پاکستان کرکٹ ٹیم کے سابق کوچ مکی آرتھر نے ایشیا کپ 2025 میں بابر اعظم کی غیر موجودگی پر حیرت کا اظہار کیا ہے۔

اپنے بیان میں انہوں نے کہا کہ یہ سمجھ سے بالاتر ہے کہ موجودہ اسکواڈ میں بابر اعظم کو جگہ کیوں نہیں دی گئی۔

واضح رہے کہ ٹی20 ایشیا کپ کے دسویں میچ میں پاکستان نے متحدہ عرب امارات کو 41 رنز سے شکست دے کر سپر فور مرحلے کے لیے کوالیفائی کر لیا ہے۔

اس ٹورنامنٹ میں قومی ٹیم کی قیادت سلمان علی آغا کر رہے ہیں جبکہ اسکواڈ میں بابر اعظم، محمد رضوان اور نسیم شاہ شامل نہیں ہیں۔