پی ٹی آئی رہنما اسد قیصر کے وارنٹ گرفتاری جاری

اسلام آباد: انسدادِ دہشت گردی عدالت اسلام آباد نے جوڈیشل کمپلیکس حملہ کیس میں پاکستان تحریک انصاف (پی ٹی آئی) کے رہنما اور سابق اسپیکر قومی اسمبلی اسد قیصر کے وارنٹ گرفتاری جاری کرتے ہوئے انہیں گرفتار کر کے عدالت میں پیش کرنے کا حکم دے دیا۔

سماعت کے دوران عدالت نے سابق وزیراعلیٰ پنجاب پرویز الہٰی، سابق وفاقی وزیر اسد عمر اور شبلی فراز کی حاضری سے استثنیٰ کی درخواستیں منظور کر لیں۔

کیس کی مزید سماعت 6 اکتوبر تک ملتوی کر دی گئی ہے۔

یاد رہے کہ پی ٹی آئی رہنماؤں کے خلاف جوڈیشل کمپلیکس حملے کے معاملے پر تھانہ سی ٹی ڈی میں مقدمہ درج ہے۔