منی پور میں بھارتی فوجی قافلے پر بڑا حملہ،کئی اہلکار ہلاک و زخمی

منی پور میں بھارتی فوجی قافلے پر بڑا حملہ، کئی اہلکار ہلاک و زخمی

نئی دہلی: بھارت کی شمال مشرقی ریاست منی پور میں سیکیورٹی صورتحال مزید خراب ہوگئی ہے۔ بھارتی میڈیا کے مطابق نمبول کے قریب آسام رائفلز کے قافلے پر گھات لگا کر بڑا حملہ کیا گیا۔

رپورٹس کے مطابق اچانک فائرنگ کے نتیجے میں قافلے کے متعدد اہلکار ہلاک اور کئی زخمی ہوئے۔ یہ قافلہ پٹسوئی کمپنی آپریٹنگ بیس سے نمبول کی طرف جا رہا تھا کہ مسلح افراد نے ہائی وے پر نشانہ بنایا۔

تاحال کسی گروپ نے حملے کی ذمہ داری قبول نہیں کی۔ بھارتی فورسز نے علاقے میں سرچ آپریشن شروع کر دیا ہے اور حملہ آوروں کی تلاش جاری ہے۔

ماہرین کا کہنا ہے کہ منی پور میں بڑھتی ہوئی مسلح کارروائیاں بھارتی فوج کے سیکیورٹی بیانیے کو چیلنج کر رہی ہیں جبکہ مقامی نوجوان بڑی تعداد میں مسلح مزاحمت کی طرف مائل ہو رہے ہیں۔