مستونگ میں ریلوے ٹریک کے قریب دھماکا، جانی نقصان نہیں ہوا

مستونگ:بلوچستان کے ضلع مستونگ کے علاقے دشت میں ریلوے ٹریک کے قریب دھماکا ہوا، کوئی جانی نقصان نہیں ہوا۔

پولیس کے مطابق واقعہ کے بعد سکیورٹی فورسز اور پولیس کی بھاری نفری جائے وقوعہ پر پہنچ گئی اور علاقے کو گھیرے میں لے لیا گیا، بم ڈسپوزل ساکواڈ کو بھی طلب کر لیا گیا تاکہ شواہد اکٹھے کیے جا سکیں۔

پولیس کا کہنا ہے کہ دھماکے کی نوعیت جاننے اور اس کے پس پردہ عناصر کو بے نقاب کرنے کے لیے تحقیقات جاری ہیں۔

ریلوے حکام نے بتایا کہ ٹریک کلیئر ہونے کے بعد کوئٹہ سے پشاور جانے والی جعفر ایکسپریس چار گھنٹے 45 منٹ کی تاخیر سے روانہ کر دی گئی۔

یاد رہے کہ بلوچستان ایک بار پھر دہشت گردوں کے نشانے پر ہے، صرف ستمبر کے مہینے میں دہشت گردی کے 9 واقعات پیش آئے جن میں مجموعی طور پر 32 افراد جاں بحق اور 47 زخمی ہوئے۔