ٹی 20 ایشیا کپ، بھارت فائنل میں پہنچ گیا ، بنگلادیش کو 41 رنز سے شکست

دبئی: ٹی 20 ایشیا کپ کے سپر فور مرحلے میں بھارت نے بنگلادیش کو 41 رنز سے ہرا کر فائنل کےلیے کوالیفائی کرلیا ۔

دبئی میں کھیلے گئے میچ میں بھارت نے بنگلادیشی ٹیم کو 168 کا ہدف دیا ، جو آخری اوور میں 127 رنز پر ڈھیر ہوگئی، ابھیشیک شرما کو میچ کا بہترین کھلاڑی قرار دیا گیا۔

بھارت کے 169 رنز کے ہدف کے تعاقب میں سیف حسن 69 رنز کے سوا کوئی خاطر خواہ پرفارمنس نہ دے سکا ۔

اوپنرسیف حسن نے 51 گیندوں پر 69 رنز بنائے، انہوں نے اس دوران 5 چھکے اور 3 چوکے لگائے ، انہیں کئی بار چانس بھی ملا۔

بنگلادیش کے پرویز حسین نے 21 رنز بنائے جبکہ دیگر کھلاڑیوں میں تنزید حسن 1، توحید ہردوئے 7، شمیم حسین اور تنظیم حسن صفر، کپتان ذاکر علی اور سیف الدین 4،4 ، مسفیض الرحمان 6 اور رشاد حسین 2 رنز بناکر پویلین لوٹ گئے۔بھارت کے کلدیپ یادیو نے 3، جسپریت بمرا اور ورون چکروتی نے 2،2 بنگلادیشی کھلاڑیوں کو میدان بدر کیا۔

بھارت کے ساتھ فائنل کھیلنے والی دوسری ٹیم کونسی ہوگی؟ اس کا فیصلہ آج پاکستان اور بنگلادیش کے میچ میں ہوجائے گا، جیتنے والی ٹیم فائنل کھیلے گی۔

۔دبئی میں جاری ایشیا کپ کے سپر فور مرحلے میں بنگلادیش نے بھارت کے خلاف ٹاس جیت کر پہلے فیلڈنگ کا فیصلہ کیا، قائم مقام کپتان لٹن داس نے بھارت کو پہلے بیٹنگ کی دعوت دی۔

بھارت نے مقررہ اوورز میں بیٹنگ کرتے ہوئے 168 رنز اسکور کیے۔ بھارت کی جانب سے ابھیشیک شرما 75 رنز بناکر نمایاں رہے۔ ہاردک پانڈیا نے 38، شبمن گل نے 29 رنز بنائے۔بنگلادیش کی جانب سے ارشاد حسین نے 2، مستفیض الرحمٰن نے 1 وکٹ حاصل کی۔

بنگلادیش کی ٹیم میں آج 4 تبدیلیاں کی گئیں۔ بنگلادیشی کپتان لٹن داس انجری کے باعث پلیئنگ الیون میں شامل نہیں۔ ان کی جگہ  جاکر علی کپتانی کی ذمہ داری نبھائیں گے۔

واضح رہے کہ سپر 4 میں بھارت ایک میچ کھیل کر 2 پوائنٹس حاصل کرکے پہلے نمبرپر ہے جبکہ بنگلادیش بھی 2 پوائنٹس کے ساتھ تیسری پوزیشن پر ہے۔

اگر بھارت آج بنگلا دیش کو شکست دیتا ہے تو وہ براہِ راست ایشیا کپ کے فائنل کے لیے کوالیفائی کرجائے گا۔