وزیراعظم کی بنگلہ دیشی چیف ایڈوائزر سے ملاقات

 

اقوام متحدہ جنرل اسمبلی کے 80 ویں اجلاس کے موقع پر وزیراعظم محمد شہباز شریف اور بنگلہ دیش کے چیف ایڈوائزر پروفیسر محمد یونس کے درمیان سائیڈ لائن پر ملاقات ہوئی۔

ملاقات خوشگوار اور دوستانہ ماحول میں ہوئی، جہاں دونوں رہنماؤں نے دوطرفہ تعلقات میں تعاون بڑھانے، تجارت، علاقائی روابط اور عوامی تعلقات کو مزید فروغ دینے پر تبادلہ خیال کیا۔

وزیراعظم نے پاکستان اور بنگلہ دیش کے تعلقات کو باہمی احترام، اعتماد اور ترقی کے مشترکہ مقاصد کی بنیاد پر مزید مستحکم بنانے کے عزم کا اظہار کیا۔

پروفیسر محمد یونس نے بھی تعلقات میں بہتری کو خوش آئند قرار دیتے ہوئے باہمی تجارت اور ثقافتی روابط کو مضبوط بنانے کی ضرورت پر زور دیا۔

یہ ملاقات دونوں ممالک کے خطے میں استحکام، ترقی اور خوشحالی کے مشترکہ عزم کی عکاسی کرتی ہے۔