گردشی قرضے پر قابو پانا بجلی کے شعبے میں بڑی کامیابی ہے،وزیراعظم

نیویارک: وزیراعظم شہباز شریف نے کہا ہے کہ بجلی کے شعبے میں گردشی قرضہ تمام وسائل کو نگل رہا تھا، اور اس کے مسائل سے نمٹنا ایک بڑی کامیابی ہے۔

انہوں نے شعبہ توانائی کے گردشی قرضے کے خاتمے کے منصوبے کی افتتاحی تقریب سے ورچوئل خطاب میں کہا کہ گردشی قرضہ مسلسل بڑھ رہا تھا اور لائن لاسز بھی ایک بڑا چیلنج ہیں، اگلے مرحلے میں اس مسئلے پر توجہ دی جائے گی۔

وزیر توانائی کی سربراہی میں ٹاسک فورس نے مستعدی سے کام کیا اور آئی پی پیز کے ساتھ کامیاب مذاکرات کیے، جس کے نتیجے میں گردشی قرضے کے خاتمے کا منصوبہ کامیابی سے مکمل ہوا۔

وفاقی وزیر توانائی اویس لغاری نے کہا کہ گردشی قرضے کی وجہ سے معیشت پر بوجھ تھا، اور توانائی کے شعبے میں اصلاحات کے تحت آئندہ 6 سال میں اس سے نجات حاصل ہوگی۔

وزیر خزانہ نے بھی کہا کہ پاور سیکٹر کے اسٹرکچرل مسائل حل ہو رہے ہیں اور گردشی قرضے کے خاتمے سے توانائی کے شعبے پر دور رس اثرات مرتب ہوں گے۔