کارگل جنگ میں بھی ہم نے پاکستانی کھلاڑیوں سے ہاتھ ملائے تھے ، سابق بھارتی وزیر

نئی دہلی: بھارتی کانگریس رہنما اور سابق وزیر ششی تھرور  نے ایشیا کپ میں پاک بھارت میچز میں ہینڈ شیک کو تنازع بنانے  پر کھیل اور سیاست کو الگ الگ رکھنے کا مشورہ دے دیا۔

ششی تھرور نے اپنے ایک انٹرویو میں کہا ہے کہ 1999 میں کارگل جنگ ہورہی تھی  سپاہی مر رہے تھے، تب بھی ہم نے انگلینڈ میں ورلڈکپ میں پاکستانی کھلاڑیوں سے ہاتھ ملائے تھے  تو اب ایسا کیوں ہے؟اگر ہم پاکستان کے بارے میں اتنا شدت سے محسوس کرتے ہیں تو ہمیں کھیلنا ہی نہیں چاہیے تھا اور اگر ہم کھیل رہے ہیں تو ہمیں کھیل کے جذبے سے کھیلنا چاہیے، ان سے ہاتھ ملانا چاہیے۔کھیل کا جذبہ اس سے مختلف ہے جو ممالک کے درمیان ہوتا ہے۔

"If we are going to play them, we should play in the spirit of a game, & we should have shaken their hands," says Congress MP Shashi Tharoor on the Asia Cup handshake row. #Watch#ShashiTharoor #IndiaPakistan #Cricket #AsiaCup #Handshake #SportsmanshipControversy #Congress… pic.twitter.com/Hvnm79HY1p

— CNBC-TV18 (@CNBCTV18News) September 25, 2025

واضح رہے کہ ایشیا کپ میں 14 ستمبر کو گروپ میچ میں بھارتی کپتان سوریا کمار یادیو نے ٹاس کے موقع پر پاکستانی کپتان سے ہاتھ نہیں ملایا تھا جبکہ میچ کے اختتام پر بھی بھارتی ٹیم نے گرین شرٹس سے ہاتھ ملانے سے گریز کیا تھا جس کے بعد تنازع کھڑا ہوا تھا۔