ایشیا کپ: 41 سالہ تاریخ میں پہلی بار پاکستان اور بھارت فائنل میں مدمقابل

ابو ظہی : ایشیا کپ کی 41 سالہ تاریخ میں پہلی بار پاکستان اور بھارت فائنل میں آمنے سامنے ہوں گے۔

 فیصلہ کن معرکے میں اس کا مقابلہ روایتی حریف بھارت کے ساتھ ہوگا۔ یہ ایشیا کپ کی تاریخ میں پہلا موقع ہے جب دونوں ٹیمیں فائنل میں ایک دوسرے سے ٹکرائیں گی۔

ایشیا کپ کا آغاز 1984 میں ہوا تھا اور اب تک یہ 17 واں ٹورنامنٹ کھیلا جا رہا ہے۔ ان 41 سالوں میں ایک بار بھی پاکستان اور بھارت کا فائنل میں آمنا سامنا نہیں ہوا۔ یہ پہلا موقع ہے جب روایتی حریف اتوار کو آپس میں ٹکرانے جا رہے ہیں۔ حالیہ ایشیا کپ میں دونوں ٹیموں جے درمیان دو میچز ہوچکے ہیں جن میں فتح بھارت کے نام رہی۔

پاکستان نے ایشیا کپ کے سپر فور مرحلے میں بنگلادیش کو 11 رنز سے شکست دے کر فائنل کیلئے کوالیفائی کرلیا، پاکستان کے 136 رنز کے ہدف کے تعاقب میں بنگلادیش کی ٹیم مقررہ 20 اوورز میں 9 وکٹوں پر 124 رنز بنا سکی۔

اب شائقین کرکٹ 28 ستمبر کو پہلی بار ایشیا کپ کے فائنل میں پاکستان اور بھارت کو کھیلتا دیکھیں گے، بھارت سب سے زیادہ 8 بار ایشیا کپ جیت چکا ہے، سری لنکا نے 6 بار اور پاکستان نے 2 بار ٹرافی اٹھائی ہے۔