یکم اکتوبر سے پیٹرولیم مصنوعات مہنگی ہونے کا امکان

اسلام آباد: ملک میں یکم اکتوبر سے پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جا رہا ہے۔

ذرائع کے مطابق آئل انڈسٹری نے ورکنگ مکمل کر لی ہے جس کے تحت پیٹرول کی قیمت میں1 روپیہ 97 پیسے اور ہائی اسپیڈ ڈیزل کی قیمت میں 2 روپے 48 پیسے فی لیٹر تک اضافے کا امکان ہے۔

اسی طرح لائٹ ڈیزل آئل کی قیمت میں 1 روپیہ 76 پیسےاور مٹی کے تیل کی قیمت میں 4 روپے 65 پیسے فی لیٹر اضافہ متوقع ہے۔

اوگرا اپنی ورکنگ وزارتِ پیٹرولیم کے ذریعے وزارتِ خزانہ کو ارسال کرے گی، جبکہ وزیراعظم کی منظوری کے بعد نئی قیمتوں کا باضابطہ اعلان کل کیا جائے گا۔

واضح رہے کہ 15 روز قبل حکومت نے پیٹرول کی قیمت برقرار رکھتے ہوئے ہائی اسپیڈ ڈیزل کی فی لیٹر قیمت میں **2 روپے 78 پیسے** اضافہ کیا تھا۔

—