غزہ امن معاہدہ کرکے دکھائیں گے، ڈونلڈ ٹرمپ

واشنگٹن: امریکی صدر ڈونلڈ ٹرمپ نے کہا ہے کہ غزہ امن منصوبے پر اسرائیل اور عرب رہنماؤں کی جانب سے مثبت ردعمل ملا ہے، سب فریق معاہدہ کرنے کے خواہاں ہیں۔

اپنی ٹروتھ سوشل پوسٹ میں ٹرمپ نے کہا کہ اسرائیلی وزیراعظم نیتن یاہو سے ملاقات میں معاہدے کو حتمی شکل دیے جانے کی امید ہے۔ ان کا کہنا تھا کہ تجاویز کا مقصد صرف غزہ نہیں بلکہ پورے مشرق وسطیٰ میں وسیع امن قائم کرنا ہے۔

ٹرمپ نے مزید کہا کہ غزہ بحران کے حل کی کوششوں میں نمایاں کامیابی ملی ہے اور مستقل جنگ بندی کے قیام کے لیے مثبت پیشرفت ہو رہی ہے۔
ان کے مطابق، پہلی بار تمام فریق کسی خاص مقصد کے لیے متحد ہیں اور یہ معاہدہ ضرور مکمل ہوگا۔

رپورٹس کے مطابق آج وائٹ ہاؤس میں ٹرمپ اور نیتن یاہو کی ملاقات شیڈول ہے جس میں جنگ بندی معاہدے کے فریم ورک پر بات ہو گی۔

یاد رہے کہ دو روز قبل بھی ڈونلڈ ٹرمپ نے غزہ جنگ بندی اور یرغمالیوں کی رہائی کے قریب از قریب معاہدے کا دعویٰ کیا تھا۔