ہر مسئلے کے لیے ہاتھ پھیلانے کا رواج بند ہونا چاہیے،مریم نواز

وزیرِ اعلیٰ پنجاب مریم نواز نے فیصل آباد میں منعقدہ ایک تقریب میں خطاب کرتے ہوئے مخالفین پر کڑی نکتہ چینی کی اور کہا کہ عوام سے توقعات رکھ کر ہر بار حل کے لیے ہاتھ پھیلانے کا رواج بند ہونا چاہیے۔

مریم نواز نے سوال اٹھایا کہ این ایف سی کے فنڈز سب کو یکساں ملتے ہیں تو پھر بعض حلقے اپنے پیسے کہاں خرچ کر رہے ہیں؟ ان کا کہنا تھا کہ مسائل کا واحد حل صرف بے نظیر انکم سپورٹ پروگرام نہیں ہو سکتا۔

وزیراعلیٰ نے پانی کے انتظام اور زرعی امور پر بھی بات کی، کہا کہ پنجاب میں نہریں نکالنے کی باتیں سن کر تکلیف ہوتی ہے — اصل تو یہ تھا کہ پانی چوری نہ کیا جاتا اور چولستان کی زمین کو آباد کیا جاتا۔

ان کا پیغام واضح تھا: امداد یا "کشکول” تھام کر ہر مسئلے کا حل مانگنے کی روایت چھوڑ کر خود عملی اقدامات کیے جائیں۔