جنوبی افریقہ کے خلاف سیریز، قومی ٹیم کے 18 رکنی اسکواڈ کا اعلان

 

لاہور: قومی سلیکشن کمیٹی نے جنوبی افریقہ کے خلاف سیریز کے لیے 18 رکنی اسکواڈ کا اعلان کر دیا۔

شان مسعود بدستور ٹیم کی قیادت کریں گے جبکہ تین نئے کھلاڑی آصف آفریدی، فیصل اکرم اور روحیل نذیر کو موقع دیا گیا ہے۔ ایشیا کپ کھیلنے والے کھلاڑی 4 اکتوبر کو اسکواڈ کو جوائن کریں گے۔

اسکواڈ میں بابر اعظم، محمد رضوان، شاہین شاہ آفریدی، عبداللہ شفیق، امام الحق، سلمان علی آغا اور سعود شکیل بھی شامل ہیں۔ جبکہ عامر جمال، حسن علی، خرم شہزاد، نعمان علی، ساجد خان، کامران غلام اور ابرار احمد بھی ٹیم کا حصہ ہیں۔

پی سی بی کے مطابق پہلے ٹیسٹ سے قبل اسکواڈ کو مزید مختصر کیا جائے گا۔ پاکستان اور جنوبی افریقہ کے درمیان پہلا ٹیسٹ 12 سے 16 اکتوبر کو لاہور کے قذافی اسٹیڈیم میں ہوگا جبکہ دوسرا ٹیسٹ 20 سے 24 اکتوبر تک راولپنڈی میں کھیلا جائے گا۔

ٹیم کا تربیتی کیمپ آج 30 ستمبر سے 8 اکتوبر تک لاہور میں جاری رہے گا۔