تھیٹر، ٹی وی اور فلم کے مشہور کامیڈین لکی ڈئیر انتقال کر گئے

لاہور: تھیٹر، ٹی وی اور فلم کے مشہور کامیڈین لکی ڈئیر انتقال کر گئے۔

نجی ٹی وی کے مطابق لکی ڈیئر طویل عرصے سے علیل تھے، ان کے اہل خانہ نے ان کے انتقال کی تصدیق کر دی ہے، نامور کامیڈین لکی ڈئیر لاہور کے میو ہسپتال میں زیرِ علاج تھے۔

60 سالہ فنکار گزشتہ آٹھ ماہ سے پھیپھڑوں اور ذیابیطس کے مرض میں مبتلا تھے، وہ گزشتہ چالیس سال سے شوبز سے وابستہ تھے۔

اداکار سینکڑوں ڈراموں اور فلموں میں اپنی منفرد اداکاری سے ناظرین کو محظوظ کر چکے ہیں، ان کے اہل خانہ کا کہنا تھا کہ ان کی حالت تشویشناک ہو چکی تھی۔

اہلِ خانہ کے مطابق وہ کومہ میں تھے اور ان کے گردے، جگر اور معدہ بھی کام کرنا چھوڑ چکے تھے۔