ٹرمپ کے غزہ امن منصوبے پر مزید مذاکرات کی ضرورت ہے،قطر

قطر کے وزیرِ اعظم شیخ محمد بن عبدالرحمان نے کہا ہے کہ ٹرمپ کے غزہ امن منصوبے کے کئی نکات وضاحت اور مذاکرات کے متقاضی ہیں۔ انہوں نے اسرائیلی افواج کے انخلا پر مزید بات چیت کی ضرورت پر زور دیا۔

شیخ محمد نے کہا کہ منصوبہ ابتدائی مراحل میں ہے اور اس کی تفصیلات پر بات چیت ضروری ہے۔ غزہ میں فلسطینی انتظامیہ کے ساتھ امریکہ کے مذاکرات ہونگے، جبکہ حماس نے منصوبے کا جائزہ لینے کا وعدہ کیا ہے۔

انہوں نے یہ بھی کہا کہ غزہ ثالثی اجلاس میں مصر اور ترکی بھی شریک ہوں گے، اور اسرائیلی وزیراعظم کی معافی کوئی احسان نہیں بلکہ بنیادی حق تھا۔