حافظ نعیم الرحمٰن کا صمود فلوٹیلا پر اسرائیلی حملے کی شدید مذمت

کراچی: جماعت اسلامی کے امیر حافظ نعیم الرحمٰن نے صمود فلوٹیلا پر اسرائیلی فوج کے حملےکی شدید مذمت کی اور اسے "کھلی دہشت گردی قرار دیا۔

اپنے بیان میں انہوں نے کہا کہ غزہ میں قحط، بھوک اور انسانی خون بہ رہا ہے، جبکہ دنیا کے مختلف خطوں سے پرامن افراد محصور فلسطینیوں کے لیے امداد لے کر آگے بڑھ رہے ہیں۔

حافظ نعیم الرحمٰن نے امریکا پر بھی تنقید کرتے ہوئے کہا کہ جو خود کو امن کا پیامبر کہتا ہے، وہ اپنے "لاڈلے” اسرائیل کو اہل غزہ تک امداد پہنچنے سے نہیں روکنے دیتا۔

انہوں نے سوال اٹھایا کہ کیا یہی وہ انسانیت، جمہوریت، انسانی حقوق اور بین الاقوامی قانون ہے جس کا دنیا بھر میں دعویٰ کیا جاتا ہے؟