کراچی اور سندھ کے مختلف شہروں میں بارش کا امکان

کراچی: محکمہ موسمیات نے اگلے دو دنوں میں سندھ کے مختلف شہروں میں بارش اور آندھی کی پیشگوئی کی ہے۔

محکمہ موسمیات کے مطابق بھارتی گجرات پر موجود ہوا کا کم دباؤ ڈیپریشن میں تبدیل ہو گیا ہے، جس کے اثرات کراچی، حیدرآباد، میرپور خاص، جام شورو، ٹھٹہ اور دیگر شہروں پر پڑیں گے۔

محکمہ موسمیات نے سمندر میں طغیانی کے خطرے کے پیش نظر ماہی گیروں کو 3 اکتوبر تک سمندر میں جانے سے منع کیا ہے۔

کراچی میں آئندہ 24 گھنٹوں کے دوران جزوی ابر آلودگی اور مرطوب موسم رہنے کا امکان ہے، اور شہر میں ہلکی بارش اور بوندا باندی بھی متوقع ہے۔ زیادہ سے زیادہ درجہ حرارت 36 ڈگری سینٹی گریڈ** رہنے کا امکان ہے۔