ایشیا کپ میں بھارتی ٹیم کے رویے پر اے بی ڈویلیئرز کا اظہار تشویش

جنوبی افریقہ کے سابق کپتان اور عالمی شہرت یافتہ بلے باز اے بی ڈویلیئرز نے ایشیا کپ کے دوران بھارتی ٹیم کے رویے پر تشویش کا اظہار کیا۔

ایک پروگرام میں گفتگو کرتے ہوئے انہوں نے کہا کہ بھارتی ٹیم شاید اپنی ہار یا ٹرافی سے خوش نہیں تھی، اور ان کے رویے کا کھیل سے کوئی تعلق نہیں بنتا۔ اے بی ڈویلیئرز نے کہا کہ سیاست کو کھیل سے الگ ہونا چاہیے اور کھیل کا جشن بھی خوش اسلوبی سے منانا چاہیے۔

سابق کرکٹر نے کہا کہ اختتامی تقریب کے مناظر دیکھ کر دکھ ہوا، اس صورتحال سے کھلاڑی اور کھیل دونوں متاثر ہوئے، اور یہ دیکھ کر مجھے ناخوشی ہوئی۔

اے بی ڈویلیئرز نے خطے کی سیاست کو کھیل کے میدان سے الگ رکھنے کا مطالبہ کیا اور کہا کہ **یہ رویہ کھیل کے اصولوں کے خلاف ہے**۔