چیف انجینئر آپریشن کی سربراہی میں بجلی چوروں کے خلاف گرینڈ آپریشن

اسلام آباد، چیف ایگزیکٹو آئیسکو انجینئر چوہدری خالد محمود کے بجلی چوری کے خلاف زیرو ٹالیرنس ویژن اور ہدایات پر عمل کرتے ہوئے چیف انجینئر آپریشن محمد کاشف شاہ کی سربراہی میں آئیسکو آپریشن، ایم اینڈ ٹی اور سرویلنس کی ٹیموں نے بجلی چوروں کے خلاف کاروائی عمل میں لائی۔ جی سیون کچی آبادی اسلام آباد اور مرکز میں چیکنگ کے دوران درجنوں غیر قانونی کنکشنز اور Extensionپکڑے گئے۔ بروقت کاروائی عمل میں لاتے ہوئے غیر قانونی کنکشنز اورExtension منقطع کر دیے گئے۔ متعلقہ افراد اور سہولت کاروں کے خلاف قانونی کاروائی کیلئے پولیس کو درخواستیں دے دی گئی ہیں اور بجلی چوری کرنے پر متعلقہ صارفین کو جرمانے بھی عائد کیے گئے ہیں۔ چیف آئیسکو انجینئر چوہدری خالد محمود نے کہا ہے کہ بجلی چوروں کی آئیسکو میں بالکل گنجائش نہیں ہے اور آئیسکو کا ہر آفیسر اور سٹاف اس قومی مہم میں اپنا بھرپور کردار ادا کر رہا ہے۔