پاکستان، جنوبی افریقہ سیریز کے لیے میچ آفیشلز کا اعلان

پاکستان اور جنوبی افریقہ کے درمیان آئندہ کرکٹ سیریز کے لیے انٹرنیشنل کرکٹ کونسل (آئی سی سی) نے میچ آفیشلز کا اعلان کر دیا ہے۔

رپورٹس کے مطابق سابق سری لنکن کرکٹر رنجن مدوگالےکو سیریز کا میچ ریفری مقرر کیا گیا ہے۔

پہلا ٹیسٹ 12 سے 16 اکتوبر تک قذافی اسٹیڈیم لاہور میں کھیلا جائے گا، جس میں راڈنی ٹکر اور کرسٹوفر براؤن آن فیلڈ امپائر ہوں گے۔ دوسرا ٹیسٹ 20 سے 24 اکتوبر کو راولپنڈی کرکٹ اسٹیڈیم میں شیڈول ہے، جس میں رسٹوفر براؤن اور سائقَت شرف الدولہ آن فیلڈ امپائر کے فرائض انجام دیں گے۔

ٹی ٹوئنٹی سیریز میں پہلے دو میچوں کے لیے محمد آصف اور راشد ریاض امپائر ہوں گے، جبکہ تیسرے ٹی ٹوئنٹی میں راشد ریاض کے ساتھ فیصل خان آن فیلڈ امپائر کے طور پر ذمہ داریاں سنبھالیں گے۔

ون ڈے سیریز کے تینوں میچ اقبال اسٹیڈیم فیصل آبادمیں کھیلے جائیں گے۔ پہلے ون ڈے میں سائقَت شرف الدولہ اور آصف یعقوب، دوسرے میں ایلکس وارف اور احسن رضا جبکہ تیسرے ون ڈے میں **سائقَت شرف الدولہ اور فیصل خان امپائر ہوں گے۔