انڈونیشیا: اسلامک اسکول کی عمارت گرنے سے ہلاکتیں 54 تک پہنچ گئیں

 جکارتہ: انڈونیشیا کے جزیرے جاوا کے شہر سیدوارجو میں ایک بورڈنگ اسلامک اسکول کی عمارت گرنے کے واقعے میں 54 افراد ہلاک ہو چکے ہیں جبکہ 13 افراد اب بھی ملبے تلے دبے ہوئے ہیں۔

ریسکیو ٹیموں نے ملبے تلے دبے افراد کی تلاش کے لیے جدید آلات کا استعمال کیا، تاہم اب تک کسی زندہ بچ جانے والے کی اطلاع نہیں ملی۔ امدادی کارروائیاں تقریباً 90 فیصد مکمل ہو چکی ہیں۔

سرکاری حکام کے مطابق یہ واقعہ گزشتہ ہفتے پیش آیا اور اب تک ملبے تلے دبے متعدد افراد کی ہلاکت کی تصدیق ہو چکی ہے۔ انتظامیہ اور ریسکیو ٹیمیں اب بھی باقی ملبے کے نیچے لوگوں کی تلاش میں مصروف ہیں۔

یہ حادثہ نہ صرف مقامی بلکہ عالمی سطح پر بھی شدید تشویش کا باعث بنا ہے، کیونکہ عمارت گرنے کے وقت اسکول میں درجنوں بچوں سمیت افراد موجود تھے۔