بھارت میں شوہر کی حیران کن شکایت:بیوی رات کو سانپ بن جاتی ہے

سیتا پور، بھارتی ریاست اتر پردیش سے تعلق رکھنے والے محمود آباد تحصیل کے گاؤں لودھاسا کے رہائشی ایک شوہر نے اپنی بیوی کے بارے میں حیران کن دعویٰ کیا ہے۔ انہوں نے ضلعی مجسٹریٹ سیتا پور کے سامنے کہا کہ ان کی بیوی رات کو سانپ بن جاتی ہے، جس کے خوف سے وہ آرام نہیں کر پاتے۔

مراج نے 4 اکتوبر کو عوامی شکایات کے ازالے کے دن ضلعی مجسٹریٹ ابھیشیک آنند کے سامنے بیان دیا کہ ان کی بیوی نسیمن کا ذہنی توازن درست نہیں ہے اور وہ رات کو سانپ بننے کا ڈرامہ کرتی، سیٹیاں بجاتی اور انہیں ڈراتی ہے۔

شوہر نے کہا کہ مقامی پولیس کی عدم توجہ کی وجہ سے انہیں ضلعی انتظامیہ سے مدد لینا پڑی۔ ضلعی مجسٹریٹ نے پولیس کو ہدایت دی کہ وہ اس معاملے کی تحقیقات کریں اور مناسب کارروائی کریں۔

پولیس کا کہنا ہے کہ انہیں شکایت موصول ہوئی ہے اور اس پر تحقیقات جاری ہیں۔ مقامی حکام بھی اس غیر معمولی دعوے پر حیران ہیں۔