جعفر ایکسپریس پر حملہ: سرچ آپریشن میں 20 مشتبہ افراد گرفتار

سکھر: جعفر ایکسپریس پر حملے کے بعد پولیس و رینجرز کا سرچ آپریشن جاری، سرچ آپریشن کے دوران 20 سے زائد مشتبہ افراد کو گرفتار کیا گیا۔

بم ڈسپوزل اسکواڈ کے مطابق دھماکہ ریموٹ کنٹرول بم کے ذریعے کیا گیا، دھماکے میں 3 سے 4 کلو بارودی مواد استعمال ہوا۔

بم ڈسپوزل سکواڈ کے مطابق دھماکے سے 160 فٹ ریلوے ٹریک متاثر ہوا، جعفر ایکسپریس کی 4 مسافر بوگیاں شدید متاثر ہوئیں۔

ڈی ایس آر سکھر جمشید عالم نے بتایا کہ متاثرہ بوگیوں کو دوبارہ ٹریک پر لگا دیا گیا، مرمتی کام آخری مراحل میں ہے جلد آمدورفت بحال ہونے کا امکان ہے۔

واضع رہے گاؤں سلطان کوٹ کے نزدیک ریلوے ٹریک پر دھماکے کے نتیجے میں جعفر ایکسپریس کی 4 بوگیاں پٹری سے اتر گئیں۔ پولیس کے مطابق دھماکے سے جعفر ایکسپریس متاثر ہوئی اور اس کے 4 مسافر زخمی ہو گئے تھے۔