بھکر:کار اور ٹرک میں خوفناک تصادم،4 افراد جاں بحق

بھکر میں ڈیرہ اسماعیل خان روڈ پر کار اور ٹرک کے درمیان خوفناک تصادم کے نتیجے میں چار افراد زندگی کی بازی ہار گئے۔

ریسکیو اور پولیس ذرائع کے مطابق حادثہ تیز رفتار ٹرک کی لاپرواہی کے باعث پیش آیا۔ تین افراد موقع پر ہی جاں بحق ہوئے جبکہ ایک زخمی اسپتال منتقل کیے جانے کے دوران دم توڑ گیا۔

جاں بحق ہونے والوں کی شناخت محمد آصف (35 سال)،محمد علی (25 سال)،محمد اسامہ (25 سال) اور محمد اصغر (41 سال) کے ناموں سے ہوئی ہے۔ چاروں کا تعلق بھکر کے چمنی محلہ سے بتایا گیا ہے۔

ذرائع کے مطابق متوفی افراد لاہور سے ایک مریض کا طبی معائنہ کروا کر واپس بھکر آ رہے تھے کہ راستے میں یہ افسوسناک حادثہ پیش آیا۔

حادثے کے بعد ٹرک ڈرائیور موقع سے فرار ہو گیا۔ پولیس نے ملزم کی گرفتاری کے لیے مختلف مقامات پر چھاپے مارنے شروع کر دیے ہیں۔

جاں بحق افراد کی میتیں ڈی ایچ کیو اسپتال بھکر منتقل کر دی گئیں، جہاں ضابطے کی کارروائی جاری ہے۔