کراچی:بیوی نے گھریلو جھگڑے کے دوران شوہر کو گولی مار کر قتل کر دیا

کراچی،شہر قائد کے علاقے اورنگی ٹاؤن سیکٹر ساڑھے گیارہ میں گھریلو جھگڑے کے دوران فائرنگ سے 35 سالہ محمد حسین جاں بحق ہو گیا۔

ریسکیو ذرائع کے مطابق واقعہ میاں بیوی کے درمیان تنازع کے نتیجے میں پیش آیا۔ ابتدائی تفتیش میں انکشاف ہوا ہے کہ فائرنگ مقتول کی اہلیہ نے کی، جبکہ استعمال ہونے والا پستول خود حسین کی ملکیت تھا۔

پولیس نے فوری کارروائی کرتے ہوئے ملزمہ کو گرفتا ر کر کے آلۂ قتل برآمد کر لیا۔ حکام کے مطابق جوڑے کے درمیان جھگڑوں کا سلسلہ طویل عرصے سے جاری تھا، اور ایک ہفتہ قبل بھی فائرنگ کے ایک واقعے میں اہلِ خانہ زخمی ہوئے تھے۔

پولیس کے مطابق واقعے کی مزید تفتیش جاری ہے، جبکہ **مقتول کی لاش ضابطے کی کارروائی کے بعد ورثا کے حوالے** کر دی گئی۔