عالمی وعدوں کے باوجود پاکستان کو سیلاب بحالی فنڈز نہ مل سکے:ڈاکٹر فیصل

لندن: برطانیہ میں پاکستانی ہائی کمشنر ڈاکٹر محمد فیصل  نے کہا ہے کہ 2022 کے تباہ کن سیلاب کے بعد پاکستان کو بحالی کے لیے 16.3 ارب ڈالر درکار تھے، تاہم عالمی برادری کے وعدوں کے باوجود زیادہ تر مالی امداد تاحال موصول نہیں ہوئی۔

برطانوی خبر رساں ادارے میں شائع ایک مضمون میں ڈاکٹر فیصل نے بتایا کہ پاکستان کو 2030 تک موسمیاتی تبدیلیوں سے نمٹنے کے لیے 152 ارب ڈالر کی ضرورت ہے۔ ترقی پذیر ممالک کو تعلیم، صحت اور ترقیاتی منصوبوں پر سرمایہ لگانے کے بجائے ہنگامی صورتحال پر وسائل خرچ کرنے پڑ رہے ہیں۔

انہوں نے عالمی برادری سے مطالبہ کیا کہ ترقی یافتہ ممالک اپنے 100 ارب ڈالر سالانہ کلائمیٹ فنانس گکے وعدے کو پورا کریں اور امداد کو قرضوں کے بجائے گرانٹس یا نرم شرائط والے قرضوں کی صورت میں فراہم کیا جائے۔

پاکستانی ہائی کمشنر نے زور دیا کہ کاپ 28 (COP28)** میں قائم کیا گیا لاس اینڈ ڈیمیج فنڈ فوری طور پر فعال کیا جائے تاکہ ترقی پذیر ممالک کو موسمیاتی آفات کے اثرات سے نمٹنے میں مدد مل سکے۔