نوبل امن انعام وینیزویلا کی ماریا کورینا کے نام، ٹرمپ مایوس

 

ناروے کی نوبل کمیٹی نے 2025 کا نوبل امن انعام وینیزویلا کی اپوزیشن رہنما ماریا کورینا ماچادو کو دینے کا اعلان کیا ہے۔ وہ جمہوری حقوق کے فروغ اور ملک میں آمرانہ نظام سے جمہوری و پرامن انتقالِ اقتدار کی جدوجہد کے باعث اس انعام کی حقدار قرار پائی ہیں۔

 

نوبل کمیٹی کے مطابق ماچادو نے وینیزویلا کے عوام کے جمہوری حقوق کے تحفظ کے لیے مسلسل اور بہادری سے کام کیا اور امن کی راہ ہموار کرنے کے لیے نمایاں کردار ادا کیا۔

 

یاد رہے کہ سابق امریکی صدر ڈونلڈ ٹرمپ بھی نوبل امن انعام کے حصول کے لیے پرامید رہے۔ انہوں نے اپنے دورِ صدارت میں مشرقِ وسطیٰ میں معاہدوں اور شمالی کوریا کے ساتھ مذاکرات کو بنیاد بنا کر عالمی سطح پر انعام کے لیے توجہ حاصل کرنے کی کوشش کی تھی۔ وہ پاک بھارت جنگ رکوانے کا کریڈٹ بھی لیتے رہے۔ تاہم وہ کمیٹی کو قائل کرنے میں ناکام رہے اور انہیں یہ اعزاز نہیں مل سکا۔

 

ماریا کورینا ماچادو کو انعام ملنے سے وینیزویلا میں جمہوریت کے لیے جاری جدوجہد کو عالمی سطح پر ایک بڑی کامیابی قرار دیا جا رہا ہے۔