کراچی:15 سال سے نیب کو مطلوب اشتہاری ملزم گرفتار

کراچی: وفاقی تحقیقاتی ادارے (ایف آئی اے) امیگریشن نے 15 سال سے نیب کو مطلوب اشتہاری ملزم کامران احمد خان کو کراچی ائیرپورٹ سے گرفتار کر لیا۔

ایف آئی اے کے ترجمان کے مطابق ملزم کے خلاف 2010 میں نیب کراچی میں ریفرنس درج ہوا تھا اور ابتدائی تفتیش میں معلوم ہوا کہ ملزم یو اے ای فرار ہو گیا تھا۔

ترجمان نے بتایا کہ ملزم یوگنڈا سے کراچی ائیرپورٹ پہنچا اور اس کا نام اسٹاپ لسٹ میں شامل تھا۔ گرفتاری سے بچنے کے لیے ملزم نے مالٹا کا جعلی پاسپورٹ اور ریزیڈنٹ کارڈ استعمال کیا، جس کے لیے اس نے ایجنٹ کے ذریعے 6 ہزار امریکی ڈالر ادا کیے۔

تاہم، ایف آئی اے کی تحقیقات کے مطابق ملزم کا پیش کیا جانے والا پاسپورٹ اور ریزیڈنٹ کارڈ جعلی نکلا کیونکہ سفری ریکارڈ سے ثابت ہوا کہ ملزم نے کبھی مالٹا کا سفر نہیں کیا۔