غزہ کی حکمرانی فلسطین کا داخلی معاملہ،غیر ملکی سرپرستی قبول نہیں:حماس

غزہ: فلسطینی مزاحمتی تنظیم حماس نے واضح کیا ہے کہ غزہ کی گورننس خالصتاً فلسطین کا اندرونی معاملہ ہے اور اس پر کسی غیر ملکی سرپرستی کو قبول نہیں کیا جائے گا۔

عرب میڈیا کے مطابق حماس، اسلامی جہاد اور پاپولر فرنٹ نے مشترکہ بیان میں کہا ہے کہ غزہ کے انتظامی معاملات پر فلسطینی عوام خود فیصلہ کریں گے، بیرونی مداخلت یا نگرانی کسی صورت برداشت نہیں کی جائے گی۔

جنگ بندی کے بعد ہزاروں فلسطینی اپنے گھروں کو واپس جا رہے ہیں جبکہ امدادی سامان سے بھرے ٹرک بھی غزہ میں داخل ہونا شروع ہوگئے ہیں۔

سول ڈیفنس حکام کے مطابق ملبے تلے دبی لاشوں کی تلاش کا عمل جاری ہے اور جمعے سے اب تک 155 لاشیں نکالی جا چکی ہیں۔ دوسری جانب اسرائیلی فوج نے معاہدے کے تحت نئی حدود پر اپنی پوزیشنیں سنبھال لی ہیں۔