راولپنڈی میں تعلیمی ادارے کل کھلیں گے یا نہیں؟بڑی خبر آگئی!

راولپنڈی میں امن و امان کی صورتحال کے پیش نظر بند کیے گئے تعلیمی ادارے کل سے دوبارہ کھل جائیں گے۔ ایپسما شمالی پنجاب کے صدر ابرار احمد خان نے بھی اس کی تصدیق کر دی ہے۔

ابرار احمد خان کا کہنا ہے کہ بندش کے باعث طلباء کی پڑھائی متاثر ہو رہی تھی، لہٰذا تعلیمی سرگرمیاں بحال کرنا ضروری تھا۔ انہوں نے بتایا کہ پنجاب ایجوکیشن ڈیپارٹمنٹ کی ویب سائٹ پر تعلیمی ادارے کھلنے کے بارے میں اطلاع جاری کر دی گئی ہے۔

ذرائع کے مطابق راولپنڈی ڈسٹرکٹ ایجوکیشن اتھارٹی نے بھی کل سے تمام تعلیمی ادارے کھولنے کا اعلان کر دیا ہے۔