امریکا کا مقصد چین کو نقصان پہنچانا نہیں،امریکی صدر ٹرمپ

:واشنگٹن: امریکی صدر ڈونلڈ ٹرمپ نے کہا ہے کہ امریکا کا مقصد چین کو نقصان پہنچانا نہیں ہے اور موجودہ حالات کے باوجود سب کچھ ٹھیک ہو جائے گا۔

ٹرمپ نے سوشل میڈیا پلیٹ فارم ’ٹروتھ سوشل‘ پر جاری بیان میں کہا کہ صدر شی جن پنگ کا بس ایک برا لمحہ تھا اور وہ اپنے ملک میں معاشی بحران نہیں چاہتے، اسی طرح امریکا بھی چین کی مدد کرنے کے لیے کوشاں ہے۔

صدر ٹرمپ نے مزید کہا کہ چین کے صدر کا موجودہ موڈ اچھا نہیں ہے، لیکن انہیں یقین ہے کہ وہ اپنے ملک کے لیے کسی بڑے مسئلے یا معاشی بحران کا سبب نہیں بنیں گے۔

یہ بیانات ایسے وقت میں سامنے آئے ہیں جب واشنگٹن اور بیجنگ کے درمیان تجارتی اور جغرافیائی امور پر کشیدگی جاری ہے۔