وزیراعظم شہباز شریف سے وزیر داخلہ محسن نقوی کی ملاقات

اسلام آباد: وزیراعظم محمد شہباز شریف سے وزیر داخلہ محسن نقوی نے ملاقات کی، جس دوران ملک کی مجموعی داخلی سلامتی، امن و امان کی صورتحال، انسداد دہشت گردی کے اقدامات اور دیگر اہم سیکیورٹی امور پر تفصیلی تبادلہ خیال کیا گیا۔

وزیر داخلہ محسن نقوی نے وزیراعظم کو ملک میں امن و امان کی مجموعی صورتحال اور وفاقی وزارت داخلہ کی جانب سے کیے جانے والے اقدامات سے آگاہ کیا۔

وزیراعظم شہباز شریف نے وزیر داخلہ اور ان کی ٹیم کی کاوشوں کو سراہتے ہوئے ہدایت کی کہ شہریوں کے جان و مال کے تحفظ کے لیے مربوط اور مؤثر اقدامات جاری رکھے جائیں۔ انہوں نے عوام کے جان و مال کے تحفظ، قانون کی بالادستی اور دہشت گردی کے مکمل خاتمے کو حکومت کی اولین ترجیحات قرار دیا۔