نئے وزیراعلیٰ پختونخوا کا انتخاب آج ہوگا، چار امیدوار میدان میں

پشاور: خیبرپختونخوا کے نئے وزیراعلیٰ کے انتخاب کے لیے آج ووٹنگ ہو گی۔ اس بار چار امیدوار میدان میں ہیں:

• سہیل آفریدی (تحریکِ انصاف)
• مولانا لطف الرحمان (جے یو آئی ف)
• سردار شاہ جہاں یوسف (مسلم لیگ ن)
• ارباب زرک خان (پیپلز پارٹی)

خیبرپختونخوا اسمبلی میں کل نشستیں 145 ہیں، جن میں حکومتی ارکان 93 اور اپوزیشن 52 ہیں۔ وزیراعلیٰ منتخب کرنے کے لیے کم از کم 73 ووٹ درکار ہوں گے۔ اپوزیشن جماعتیں مشترکہ امیدوار لانے کے حوالے سے مشاورت کر رہی ہیں۔

پاکستان تحریکِ انصاف نے اپنے امیدواروں سے حلف لے لیے ہیں۔ پارٹی رہنماؤں نے اندرونِ جماعت یکجہتی پر زور دیا ہے اور بغاوت یا نامزد امیدوار کے خلاف کارروائی کے حوالے سے سخت نوٹس لینے کی وارننگ دی گئی ہے۔

پس منظر: گورنر خیبرپختونخوا فیصل کریم کنڈی نے وزیراعلیٰ علی امین گنڈا پور کے استعفوں پر دستخطوں کی مماثلت نہ ہونے کے باعث اعتراض کیا اور استعفیٰ واپس بھیج دیا تھا۔ گورنر نے علی امین کو ذاتی طور پر 15 اکتوبر کو گورنر ہاؤس طلب کرنے کی ہدایت دی ہے۔