زیرِ سمندر فائبر آپٹک کیبل کی مرمت، ملک بھر میں انٹرنیٹ سروس متاثر رہنے کا امکان

پاکستان میں زیرِ سمندر فائبر آپٹک کیبل کی مرمت آج سے شروع ہو رہی ہے، جس کے باعث ملک بھر میں انٹرنیٹ سروس تقریباً 18 گھنٹے متاثر رہ سکتی ہے۔

پاکستان ٹیلی کمیونیکیشن کمپنی لمیٹڈ (پی ٹی سی ایل) کے مطابق بین الاقوامی کیبل کنسورشیم نے کیبل میں نصب "ریپٹر” کی مرمت کا شیڈول جاری کیا ہے۔ مرمت کا عمل آج صبح 11 بجے سے شروع ہوگا اور اس دوران انٹرنیٹ کی رفتار کم اور سروس میں جزوی خلل پیدا ہو سکتا ہے۔

پی ٹی سی ایل نے صارفین سے عارضی مشکلات پر معذرت کی ہے اور یقین دلایا ہے کہ مرمت مکمل ہونے کے بعد انٹرنیٹ سروس معمول کے مطابق بحال ہو جائے گی۔