ٹرمپ کا حماس کو وارننگ:ہتھیار نہ ڈالے تو طاقت سے غیر مسلح کیا جائے گا

امریکی صدر ڈونلڈ ٹرمپ نے فلسطینی تنظیم حماس کو خبردار کیا ہے کہ اگر اس نے جلد ہتھیار نہ ڈالے تو اسے طاقت کے ذریعے غیر مسلح کر دیا جائے گا۔

وائٹ ہاؤس میں ارجنٹائن کے صدر سے ملاقات کے بعد صحافیوں سے گفتگو کرتے ہوئے ٹرمپ نے کہا کہ امریکی حکام نے حماس کے نمائندوں سے بات کی ہے، اور اگر وہ رضاکارانہ طور پر غیر مسلح نہیں ہوتے تو واشنگٹن خود اقدام کرے گا۔

ٹرمپ نے کہا کہ حماس کو غیر مسلح کرنا تیزی سے اور ممکنہ طور پر طاقت کے استعمال سے مکمل کیا جائے گا۔ اس سے قبل بھی وہ خبردار کر چکے ہیں کہ اگر حماس نے اقتدار نہ چھوڑا تو اسے صفحہ ہستی سے مٹا دیا جائے گا۔

دوسری جانب اسرائیلی وزیراعظم نیتن یاہو نے کہا ہے کہ غزہ میں جنگ بندی کے باوجود فوجی کارروائی مکمل نہیں ہوئی، کیونکہ اسرائیل کو اب بھی بڑے سیکیورٹی چیلنجز کا سامنا ہے۔